စစ်မှန်သည့် ဥပဒေစိုးမိုးရေး အခြေခံမှနေ၍ ငြိမ်းချမ်း၊ လွတ်လပ်၊ တရားမျှတ၊ တိုးတက်ဖွံ့ ဖြိုးသော လူ့အဖွဲ့အစည်း တည်ဆောက်ခြင်းဖြင့် လူ့အခွင့်အရေး ခံစားနိုင်စေရန် ရည်ရွယ်ကြိုးပမ်းသည့် ဥပဒေအဖွဲ့များ၊ ရှေ့နေများ၊ လူထုအသင်းအဖွဲ့ များ၊ လှုပ်ရှားတက်ကြွသူများနှင့် အခြေခံလူထုများအား ဥပဒေရှုဒေါင့်မှ ပံ့ပိုးဖြည့်ဆည်းပေးသွားမည်။

                ဥပဒေအထောက်အကူပြုကွန်ရက်သည် လွတ်လပ်သော အဖွဲ့အစည်းဖြစ်သည်။ မည်သည့် နိုင်ငံရေးအဖွဲ့အစည်း သို့မဟုတ် အာဏာပိုင်၏ လက်အောက်တွင်မျှ မရှိ။

(၁) နိုင်ငံတကာဥပဒေ၊ နိုင်ငံတကာ လူ့ အခွင့်အရေးနှင့် လူသားချင်း စာနာထောက်ထားသော ဥပဒေများ နှင့် ဥပဒေစိုးမိုးရေး ဆိုင်ရာ စစ်မှန်သောမူများ အပေါ်တွင် အခြေခံလျှက် လူတဦးချင်း၏ လွတ်လပ်မှုကိုလည်းကောင်း၊ လူ့အစုအစည်း၊ လူမှုအလွှာ နှင့် တိုင်းရင်းသားလူမျိုးတို့၏ စုပေါင်းအခွင့်အရေးတို့ကိုလည်းကောင်း၊ ထင်ဟပ်သည့် ပိုမိုကောင်းမွန်သော ဥပဒေဘောင်နှင့် တရားမျှတသော ဥပဒေများ ပေါ်ထွက်လာရေးတို့အတွက် လူထု အသိပညာမြှင့်တင်ရေး လုပ်ငန်းများ ဆောင်ရွက်ခြင်း။

(၂) ပြစ်မှုဆိုင်ရာ တရားမျှတမှုစနစ် ပြုပြင်ပြောင်းလဲရန်အတွက်အပြင် အမြင့်ဆုံးအားဖြင့် ဒီမိုကရေစီ အသွင်ကူးပြောင်းရေးနှင့် တိုင်းရင်းသားများ၏ ကိုယ်ပိုင်ပြဌာန်းခွင့် ရရှိရေးအတွက် ဥပဒေစိုးမိုးရေးကို တည်ဆောက်ခြင်း၊ အနိမ့်ဆုံးအားဖြင့် အသွင် ကူးပြောင်းရေးကာလ တရားမျှတမှုကို ရှာဖွေခြင်းတို့ အောင်မြင်စေရန် ဥပဒေ အကြံဥာဏ်များပေးအပ်ခြင်းနှင့် ဥပဒေရေးရာ သုံးသပ်ချက်များ ထုတ်ပြန်ခြင်း။

(၃) လူ့အဖွဲ့အစည်း၏ ဖွဲ့စည်းတည်ဆောက်ပုံ အပြောင်းအလဲကို သက်ရောက်မှုရှိစေမည့် မှုခင်းများကို အရေးယူ ဆောင်ရွက်ခြင်း၊ တရားမျှတမှုရှာဖွေသည့် ရှေ့နေများ၊ ဥပဒေသမားများအား ပံ့ပိုးခြင်း၊ ကူညီရန် သတ်မှတ်ရွေးချယ်သည့် ဘေးဒုက္ခခံရသူ များအား ဥပဒေရေးရာ ထောက်ပံ့ကူညီမှုများ ပေးအပ်ခြင်း။

(၄) လူ့အခွင့်အရေး၊ နိုင်ငံသားအခွင့်အရေးနှင့် မတူကွဲပြားသည့် လူမျိုးများ၏ အခွင့်အရေးများကို ကာကွယ်စောင့်ရှောက်မည့် လုံခြုံရေးအဖွဲ့အစည်းများ၊ တိုင်းပြည်အဆောက်အအုံများနှင့် လွတ်လပ်၊ ဘက်မလိုက်၊ ထက်မြက်သော တရားစီရင်ရေးတို့ ပေါ်ပေါက်လာစေရေးအတွက် ရည်မှန်းချက်တူသော လူပုဂ္ဂိုလ်များ၊ အဖွဲ့အစည်းများနှင့် ပူးပေါင်းဆောင်ရွက်ခြင်း။

(၅) ထပ်ခါတလဲလဲ ပြစ်မှုကျူးလွန်မှုများ ဖြစ်ပွားခြင်း မရှိစေရန် တိုင်းပြည်အဆောက်အအုံများ ပြုပြင်ပြောင်းလဲရေးနှင့် အမှန်တရားဖေါ်ထုတ်ရေးတို့အတွက် ပူးပေါင်းဆောင်ရွက်ခြင်းမရှိသော နိုင်ငံတကာ ပြစ်မှုကျူးလွန်သူများအား ပြည်တွင်းနှင့် နိုင်ငံတကာ တရားရုံးများတွင် တရားစွဲဆိုအရေးယူခြင်းဖြင့် ဥပဒေစိုးမိုးရေးဆိုင်ရာ စစ်မှန်သည့် မူများ တည်ရှိလာစေရန် ကြိုးပမ်းမှုများအား ပံ့ပိုးဖြည့်ဆည်းပေးခြင်း။

မိုင်ဂျာယန်မြို့၊ ကချင်ပြည်နယ်

(၁) (အငြိမ်းစား) ပါမောက္ခဂျိုးဇက် ဆီးလ်ဗားစတိုင်း၊ ရတ်ဂါး တက္ကသိုလ်၊ နယူးဂျာစီပြည်နယ်၊ အမေရိကန်ပြည်ထောင်စု

(၂) ဒေါက်တာ ဒေးဗစ်ဖစ်ရှာ၊ နိုင်ငံတကာ ဥပဒေပါမောက္ခ၊ ဥပဒေပညာဌာန၊ စတော့ဟုမ်းတက္ကသိုလ်၊ စတော့ဟုမ်းမြို့၊ ဆွီဒင်နိုင်ငံ

(၃) ဒေါက်တာ ဆူဇန်နာ လင်တန်၊ နိုင်ငံတကာ ဥပဒေပါမောက္ခနှင့် ဥက္ကဌ၊ ဘန်ဂေါတက္ကသိုလ်၊ ဗြိတိန်နိုင်ငံ

(၄) ဒေါက်တာ ဗင်းခက်အိုင်ယာ၊ မြောက်ပိုင်းအိုင်ယာလန် ဥပဒေကော်မရှင်နာမင်းကြီးနှင့် ၀တ်လုံတော်ရ ဗြိတိန်နိုင်ငံ

(၅) ပါမောက္ခ ဆိုင်မွန်ယန်း၊ ဥပဒေပါမောက္ခနှင့် ၀တ်လုံတော်ရ၊ ဥပဒေပညာဌာန၊ ဟောင်ကောင်တက္ကသိုလ် ဟောင်ကောင်

                လူ့အခွင့်အရေးရှေ့နေ ဦးအောင်ထူး စတင်တည်ထောင်သည်။ ၄င်းသည် မြန်မာနိုင်ငံတွင် ၁၉၇၇ မှ ၁၉၈၈ ခုနှစ်များ အတွင်း အထက်တန်းရှေ့နေ၊ ဗဟိုတရားရုံးရှေ့နေများအဖြစ် လိုက်ပါဆောင်ရွက်ခဲ့သည်။ ၁၉၉၂ ခုနှစ်မှ စတင်၍ ၄င်းသည် လုပ်ဘော်ကိုင်ဘက် ရှေ့နေများနှင့်အတူ မြန်မာနိုင်ငံရှေ့နေများကောင်စီကို စတင်တည်ထောင်နိုင်ရန် ကမကထ ပြုခဲ့သည်။ ထို့နောက် ၁၉၉၄ ခုနှစ် အောက်တိုဘာလ ၂၀ ရက်နေ့တွင် မြန်မာနိုင်ငံရှေ့နေများကောင်စီ နည်းလမ်းတကျ ဖွဲ့စည်းတည်ရှိ လာခဲ့သည်။ ထိုအချိန်မှစ၍ အထွေထွေ အတွင်းရေးမှူးတာဝန်ဖြင့် အဖွဲ့အစည်းအား ဦးဆောင်ခဲ့သည်။ ၂၀၁၂ ခုနှစ် ဖေဖေါ်ဝါရီလ ၁၈ ရက်နေ့တွင် အဖွဲ့အစည်းမှ တရားဝင်နှုတ်ထွက်ပြီးနောက် ထိုနှစ်အောက်တိုဘာလ ၃၀ ရက်နေ့တွင် ဥပဒေအထောက် အကူပြုကွန်ရက်ကို စတင်တည်ထောင်သည်။ ၄င်း၏ မိတ်ဆက်မှုကို အောက်ပါလင့်ခ်များတွင် လေ့လာနိုင်သည်။

http://www.youtube.com/watch?v=yvoCPdr6rNg&feature=youtu.be  (အင်္ဂလိပ်ဘာသာ)
http://www.youtube.com/watch?v=bCHTFQ2x9qQ&feature=youtu.be  (မြန်မာဘာသာ)